काठमाडौं । नेपाली कांग्रेसको १५औँ महाधिवेशनअन्तर्गत उपसभापति र महामन्त्री पदको मतगणना सुरु भएको छ । ललितपुरको सानेपास्थित पार्टी केन्द्रीय कार्यालयमा दुवै पदको मतगणना एकैसाथ सुरु गरिएको हो ।

केन्द्रीय निर्वाचन समितिका अनुसार तीन स्थानमा मतगणना भइरहेको छ । प्रत्येक मतगणना स्थलमा हरेक उम्मेदवारका तर्फबाट एक–एक जना प्रतिनिधि राख्न दिने सहमति भएको छ ।

यसअघि शुक्रबार राति सम्पन्न सभापति पदको मतगणनामा प्रतिस्पर्धी श्यामकृष्ण खड्गीलाई पराजित गर्दै गगनकुमार थापा सभापतिमा निर्वाचित भएका थिए । थापाले ६ हजार ५८४ मत प्राप्त गर्दा खड्गीले ३७५ मत पाएका थिए । सभापति पदको मतगणना राष्ट्रिय सभागृहमा गरिएको थियो ।