काठमाडौं । नेपाल टेलिकमले दसैँ, तिहार तथा छठ पर्वलक्षित ‘दसैँ–तिहार अफर, २०८३’ सार्वजनिक गरेको छ। अफरअन्तर्गत नयाँ एफटीटीएच इन्टरनेट जडानमा ५०० रुपैयाँ छुट तथा वार्षिक प्याकेजमा १२ महिनाको शुल्कमा १३ महिना सेवा उपलब्ध हुनेछ।

मोबाइल सेवातर्फ ४९९ र ६९९ रुपैयाँका अनलिमिटेड डाटा प्याकेज, २०० रुपैयाँमा सबै नेटवर्कमा एक हजार मिनेट र ९९ रुपैयाँमा एक हजार एसएमएसको प्याकेज ल्याइएको छ।

इन्टरनेटसम्बन्धी अफर असोज २५ देखि कात्तिक ३० गतेसम्म र मोबाइल प्याकेजका अफर असोज ३० देखि कात्तिक ३० गतेसम्म लागू हुने कम्पनीले जनाएको छ। ग्राहकले ८१४१५८११३ डायल गरेर वा नेपाल टेलिकमको मोबाइल एपमार्फत प्याकेज खरिद गर्न सक्नेछन्।