विराटनगर । आज शेयर बजार सामान्य बढेर बन्द भएको छ । साताको पहिलो कारोबार दिन नेप्से परिसूचक ४ अंकले बढेर २,५९५ को विन्दुमा कायम भएको छ ।

आज १०५ कम्पनीको शेयर मूल्य बढेको छ भने १६५ कम्पनीको शेयर मूल्य घटेको छ । दिनभरिमा ३५४ कम्पनीको १ करोड २७ लाख १८ हजार कित्ता शेयर किनबेच हुँदा ४ अर्ब ४६ करोड माथिको शेयर कारोबार भएको छ । सबैभन्दा धेरै कुमारी बैंकको शेयर कारोबार भएको छ ।

यस बैंकको २५ करोड १९ लाख रुपैयाँको शेयर कारोबार भएको छ । घलेम्दी हाइड्रोको १९ करोड ८० लाख रुपैयाँको शेयर कारोबार भएको छ । साहश ऊर्जाको १९ करोड ७३ लाख रुपैयाँको शेयर कारोबार भएको छ । आज सबैभन्दा धेरै धौलागिरी लघुवित्त वित्तीय संस्थाका लगानीकर्ताले कमाएका छन् ।

यस संस्थाका लगानीकर्ताले १४ दशमलव ९९ प्रतिशतका दरले कमाएका छन् । स्नो रिभर्सका लगानीकर्ताले १३ दशमलव ९२ प्रतिशतका दरले कमाएका छन् ।

बुङगल हाइड्रोका लगानीकर्ताले ४ दशमलव ७५ प्रतिशतका दरले कमाएका छन् । आज सबैभन्दा धेरै रिज लाइन इनर्जीका लगानीकर्ताले गुमाएका छन् । यसका लगानीकर्ताले ६ दशमलव २९ प्रतिशतका दरले गुमाएका हुन् ।