काठमाडौं । भारतमा प्रदर्शनकारीमाथि दमन भएको आरोप लगाउँदै अमेरिकाका ६ डेमोक्रेटिक सांसदले विदेशमन्त्री मार्को रुबियोलाई भारतीय अधिकारीसँग यो विषय उठाउन आग्रह गरेका छन् ।

सांसदहरूले प्रदर्शनकारीमाथि अत्यधिक बल प्रयोग, अनुचित हिरासत र निगरानी भएको आरोप लगाउँदै घटनाको स्वतन्त्र छानबिन तथा पक्राउ परेकाहरूको रिहाइ माग गरेका छन् । भारतको मतदाता नामावली पुनरीक्षण प्रक्रियाबाट १३ करोड नाम हटाइएको दाबीप्रति पनि उनीहरूले चिन्ता व्यक्त गरेका छन् ।
यसले वैध मतदाताको मताधिकार प्रभावित हुन सक्ने उनीहरूको भनाइ छ । भारतले भने अमेरिकी सांसदहरूको टिप्पणीलाई आफ्नो आन्तरिक मामिलामा हस्तक्षेप भन्दै आलोचना गरेको छ ।