काठमाडौं । नेपाली बजारमा बुधबार पनि सुनको मूल्य बढेको छ । आज सुनको भाउ प्रतितोला ६०० रुपैयाँले वृद्धि भएको हो । यसअघि मंगलबार पनि सुनको मूल्य प्रतितोला ७०० रुपैयाँले बढेको थियो ।

नेपाल सुनचाँदी व्यवसायी महासंघका अनुसार मंगलबार प्रतितोला २ लाख ७५ हजार रुपैयाँमा कारोबार भएको सुनको मूल्य बुधबार बढेर २ लाख ७५ हजार ६०० रुपैयाँ पुगेको छ ।

यता, चाँदीको मूल्य भने लगातार दोस्रो दिन घटेको छ । बुधबार चाँदीको भाउ प्रतितोला २० रुपैयाँले घटेको हो । मंगलबार प्रतितोला ३ हजार ६७५ रुपैयाँमा कारोबार भएको चाँदी बुधबार घटेर ३ हजार ६५५ रुपैयाँ कायम भएको महासंघले जनाएको छ ।