Lite Nepal

सोमबार, कार्तिक ३०, २०८३

काठमाडौं । नेकपा (एमाले) का महासचिव शंकर पोखरेलले इनम सापकोटामाथि भइरहेको अनुसन्धान पारदर्शी नभएको आरोप लगाएका छन् ।

सोमबार पार्टी कार्यालयमा आयोजित पत्रकार सम्मेलनमा पोखरेलले सापकोटामाथिको अनुसन्धान प्रक्रिया रहस्यपूर्ण बन्दै गएको बताएका हुन् । मंसिर २ र ३ गते आयोजना हुने राष्ट्रिय भेलाबारे जानकारी दिन आयोजित पत्रकार सम्मेलनमा उनले यस्तो धारणा राखेका हुन् ।

पोखरेलले प्रतिनिधिसभा निर्वाचनमा प्रधानमन्त्री वालेन्द्र शाह (बालेन) लाई झापाबाट उम्मेदवार बनाउने वा नबनाउने विषयमा गरिएको सर्वेक्षण इनम सापकोटाको नेतृत्वमा भएको दाबी गरे । चुनावी अभियानदेखि प्रधानमन्त्री बनेपछि पनि उनी प्रधानमन्त्रीको कोर टिममा रहेको कुरा बाहिर आएको पोखरेलको भनाइ छ ।

त्यस्तै, पोखरेलले तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई पक्राउ गरे पनि सरकारले उनीहरूविरुद्ध अभियोजन गर्न नसकेको आरोप लगाए । सरकारले राजनीतिक प्रतिशोधका आधारमा गिरफ्तारी गरेको उनको दाबी छ ।

उनले ओली र लेखकलाई लगाइएका आरोपकै आधारमा वर्तमान प्रधानमन्त्री र गृहमन्त्रीलाई पनि गिरफ्तार गर्नुपर्ने तर्क गरे । सुनसरीमा भएको गोलीकाण्डको जिम्मेवारीसमेत प्रधानमन्त्री र गृहमन्त्रीले लिनुपर्ने उनको भनाइ छ ।

तपाईको प्रतिक्रिया
सम्बन्धित खबरहरु
Social Media
हाम्रो बारेमा

प्रकाशक कम्पनी : अर्बिट डिजिटल मिडिया नेटवर्क प्रा.लि
सूचना विभाग दर्ता नं. : ५३९७–२०८२/२०८३
www.litenepal.com नेपाली भाषाको अनलाइन समाचार पोर्टल हो । यसको केन्द्रीय कार्यालय कोशी प्रदेशको राजधानी विराटनगरमा छ, भने काठमाडाैंमा शाखा कार्यालय रहेकाे छ ।

हाम्रो टिम

सम्पादक
रविन भट्टराई

 

सम्पर्क

केन्द्रीय कार्यालय : विराटनगर – ४, मोरङ
021-465302
9705660565
[email protected]
शाखा कार्यालय : थापागाउँ, काठमाडौं