झापा । मेची अञ्चल अस्पतालमा उपचारत १४ जना कोरोना संक्रमति आज निको भएर घर फर्किएका छन् ।

मेचीनगरका ३ जना, भद्रपुरका २, दमकका ४, बिर्तामोडका २ र सर्लाहीका एक जना संक्रमित उपचार पछि डिस्चार्ज भएका डा. गोविन्द कँडेलले जानकारी दिए ।

डिस्चार्ज भएका मध्ये सर्लाहीका एक जना भने यातायातको प्रवन्ध नहुँदा भोली मात्र घर फर्कने भएका छन् ।

मेची अञ्चल अस्पतालमा कोरोना संक्रमितको उपचार गरेर पहिलो पटक १७ जना निको भएर फर्किएका थिए भने आज १४ जना घर फर्किएका हुन् । ९ जना संक्रमित उपचारत छन् ।

अस्पतालमा मेची कोभिड १९ पीसीआर प्रयोगशाला सञ्चालनमा आएयता १ हजार ७ सय ५२ जनाको परीक्षण भएकोमा १७ जनामा पोजेटिभ देखिएको प्रयोगशाला प्रमुख कन्सल्टेण्ड माइक्रोवायोलोजिस्ट डा. प्रतिमा शर्माले जानकारी दिए ।