विराटनगर । सप्तरीकाे हनुमान नगर कंकालिनी नगरपालिका-८ जोगिनियाबाट ३०२ किलो ४८० ग्राम गाँजासहित एक जनालाई पक्राउ गरिएको छ ।

शनिबार दिउँसो २ बजेको समयमा हनुमान नगर कंकालिनी नगरपालिका-८ जोगिनियास्थित कोशी बाँधको पलारमा रहेको सरकारी खाली जग्गामा देश भारत बस्ने नन्दकिशोर मुखियाले लगाएको पटुवा खेतबारीबाट १२ बोरा गाँजा बरामद गरिएको हो ।

उक्त लागू औषध सप्तरीको हनुमान नगर कंकालिनी नगरपालिका-७ मुखिया टोल बस्ने अन्दाजी ५३ वर्षीय माधुरी मुखियाको रहेको खुलेपछि उनलाई पक्राउ गरिएको छ ।

बरामद गरिएको लागू औषधको तौल गर्दा ३०२ किलो ४८० ग्राम रहेको छ । उक्त घटना सम्बन्धमा थप अनुसन्धान भइरहेको छ ।