बेइजिङ। चीन–नेपाल सीमा नजिकको हिमाली क्षेत्रमा गत भदौ १० गते आएको विनाशकारी बाढीका कारण चीनतर्फ मृत्यु हुनेको सङ्ख्या ४३ पुगेको छ। उद्धार तथा खोजी अभियानमा संलग्न अधिकारीहरूका अनुसार बाढीका कारण ४३ जनाको मृत्यु पुष्टि भएको छ भने ५१९ जना अझै सम्पर्कविहीन छन्।

पहिरोसँगै आएको बाढीले नेपालतर्फ पनि ठूलो जनधनको क्षति पुर्‍याएको छ। नेपालमा पाँच हजारभन्दा बढी मानिस अझै सम्पर्कविहीन रहेको जनाइएको छ। बाढीका कारण हजारौँ घर बगेका वा डुबानमा परेका छन् भने दशौँ हजार मानिस विस्थापित भएका छन्।

बाढीका कारण नेपाली क्षेत्रमा रहेका विद्युत्गृह, सडक सञ्जाल, पुलपुलेसा, घर तथा खेतीयोग्य जमिनमा ठूलो क्षति पुगेको छ। क्षतिको प्रारम्भिक अनुमान सयौँ अर्ब रुपैयाँभन्दा बढी रहेको बताइएको छ।