काठमाडौं । नेपालले अतिकम विकसित राष्ट्रको सूचीबाट स्तरोन्तीका लागि थप समय माग गरेको छ।

राष्ट्रसंघको ८१ औँ महासभामा सहभागिताका क्रममा भएका भेट वार्तामा प्रधानमन्त्री बालेन्द्र शाहले उक्त माग गरेको परराष्ट्र मन्त्रालयले जनाएको छ ।

महासभामा सहभागिताका क्रममा प्रधानमन्त्री बालेनले महासचिव एन्टोनियो गुटेरेससँग भेट गरेका थिए । उनीसँग प्रधामन्त्रीले यस्तो प्रस्ताव गरेको परराष्ट्र मन्त्रालयले जनाएको छ ।”अतिकम विकसित राष्ट्र सूचीबाट नेपालको स्तरोन्नतिको समयसीमा थपका लागि मसर्थनको विषयमा छलफल भएको थियो,” परराष्ट्र मन्त्रालयले भनेको छ ।

महासचिव गुटेरेसले भोटेकोसी बाढीको विपद्‌प्रति समवेदना प्रकट गरेका छन् । जलवायु मुद्दामा संयुक्त राष्ट्रसंघ नेपालसँग ऐक्यबद्ध रहेको गुटेरेसले बताएका छन् ।

राष्ट्रसंघमा नेपालको सक्रिय सहभागिताबाट मुलुकको प्रतिष्ठा अभिवृद्धि भएको परराष्ट्र मन्त्रालयले जनाएको छ ।