पर्वत । कालीगण्डकी नदीको बहाव बढेर जलजला गाउँपालिका–८, फर्सेको बस्तीमा पस्दा २५ घर बगेका छन्।

आज बिहान करिब ८ बजे नदी बस्तीमा पसेको हो। करिब ८० घर रहेको उक्त बस्तीका अन्य घर पनि जोखिममा छन्।

मानवीय क्षति भने भएको छैन। सबै स्थानीयलाई सुरक्षित स्थानमा स्थानान्तरण गरिएको छ। पहिरोका कारण प्रहरी टोली तत्काल घटनास्थल पुग्न सकेको छैन।

घटनास्थल प्रहरी चौकी मिलनचोकबाट करिब ६ किलोमिटर पूर्वमा पर्छ।

क्षतिको थप विवरण आउन बाँकी छ।