काठमाडौं । ककरोच जनता पार्टी (सीजेपी) ले भारतका मुख्य निर्वाचन आयुक्त ज्ञानेश कुमारको राजीनामा माग गर्दै अक्टोबर १० मा नयाँ दिल्लीमा मार्च गर्ने घोषणा गरेको छ। पार्टीले दिल्लीको जन्तर–मन्तरमा शान्तिपूर्ण प्रदर्शन गर्ने जनाएको छ।

सीजेपीका संयोजक अभिजीत दिपकेले निष्पक्ष र स्वतन्त्र निर्वाचनको माग गर्दै देशभरका समर्थकलाई मार्चमा सहभागी हुन आह्वान गरेका छन्। प्रहरीले रोके पनि रोकिएको स्थानमै प्रदर्शन गर्ने उनले चेतावनी दिएका छन्।

यसअघि अक्टोबर २ मा दिल्लीमा भएको प्रदर्शनका क्रममा पूर्वमुख्यमन्त्री आतिशीसहित ७०० भन्दा बढी प्रदर्शनकारीलाई प्रहरीले नियन्त्रणमा लिएको बताइएको छ। आन्दोलन मे महिनामा अनलाइन व्यङ्ग्य अभियानका रूपमा सुरु भएको थियो।