विराटनगर । मधेस प्रदेश सरकारबाट नेकपा (एमाले) बाहिरिएको छ ।

सरकार गठनका बेला सत्तारूढ दलहरूबीच भएको १५ बुँदे सहमति कार्यान्वयन नभएको भन्दै एमालेले सरकारलाई दिएको समर्थन फिर्ता लिएको हो ।

एमाले मधेस प्रदेश संसदीय दलका नेता सरोज यादवले शुक्रबार प्रदेश प्रमुखलाई पत्र लेख्दै सरकारलाई दिएको समर्थन आधिकारिक रूपमा फिर्ता लिएको जानकारी गराएका छन् ।

समर्थन फिर्ता लिँदै सरकारमा सहभागी एमालेका चारै जना मन्त्रीले आजै मुख्यमन्त्री यादवसमक्ष आफ्नो राजीनामा पत्र बुझाएका छन्।

राजीनामा दिनेमा मन्त्री मोहम्मद समिर, लखन दास तत्मा, शारदा देवी थापा र मनोज कुमार सिंह रहेका छन् ।