मोरङ । सशस्त्र प्रहरी बल, नेपाल बीओपी जहदा भुटाहाबाट खटिएको पैदल गस्ती टोलीले भन्सार छली भारतबाट नेपालतर्फ ल्याउँदै गरेको ५ लाख १९ हजार ८४० बराबरको रजनीगन्धा बरामद गरेको छ। विराटनगर महानगरपालिका–१८ स्थित मुसहर बस्ती नजिकको धानखेती क्षेत्रमा गस्ती गर्ने क्रममा उक्त टोलीले ५ बोरा रजनीगन्धा नियन्त्रणमा लिएको हो।

बरामद गरिएको रजनीगन्धालाई आवश्यक कारबाहीका लागि सम्बन्धित निकायमा बुझाइएको सशस्त्र प्रहरी बल, नेपालले जनाएको छ।