Lite Nepal

शनिबार, मंसिर ०५, २०८३

काठमाडौँ । नेकपा एमालेका अध्यक्ष केपी शर्मा ओलीले नेपालमा अहिले राक्षसीराज चलिरहेको टिप्पणी गरेका छन् । एमालेको जनवर्गीय संगठन नेशनल भोलेन्टियर्स फोर्सको स्थापना दिवसका अवसरमा आयोजित कार्यक्रममा बोल्दै उनले यस्तो टिप्पणी गरेका हुन् । राक्षसीराज जारी रहे नेशनल युथ फोर्स आन्दोलनमा उत्रिने उनले चेतावनीसमेत दिए ।

आफूलाई विनाकारण गिरफ्तार गरेर सरकारले राक्षसीराज सञ्चालन गरिरहेको पुष्टि गरेको ओलीको भनाइ थियो । पूर्वप्रधानमन्त्री तथा पार्टी अध्यक्ष भइसकेको व्यक्तिलाई सरकारले विनाकारण १३ दिन हिरासतमा राखेको उनले दाबी गरे ।

पार्टी अध्यक्ष पक्राउ परेपछि शान्तिपूर्ण आन्दोलनमा उत्रिएका कार्यकर्तामाथि सरकारले दुर्व्यवहार गरेको आरोपसमेत उनले लगाए । अब शान्तिपूर्ण आन्दोलनमा हस्तक्षेप गरिए नेशनल भोलेन्टियर्स फोर्सले प्रतिवाद गर्ने उनको चेतावनी थियो ।

नेशनल भोलेन्टियर्स फोर्स देखाउनका लागि मात्रै गठन नगरिएको उल्लेख गर्दै ओलीले उक्त संगठन आफैँ निहुँ नखोज्ने तर कसैले निहुँ खोजे चुप लागेर नबस्ने बताए ।

तपाईको प्रतिक्रिया
सम्बन्धित खबरहरु
Social Media
हाम्रो बारेमा

प्रकाशक कम्पनी : अर्बिट डिजिटल मिडिया नेटवर्क प्रा.लि
सूचना विभाग दर्ता नं. : ५३९७–२०८२/२०८३
www.litenepal.com नेपाली भाषाको अनलाइन समाचार पोर्टल हो । यसको केन्द्रीय कार्यालय कोशी प्रदेशको राजधानी विराटनगरमा छ, भने काठमाडाैंमा शाखा कार्यालय रहेकाे छ ।

हाम्रो टिम

सम्पादक
रविन भट्टराई

 

सम्पर्क

केन्द्रीय कार्यालय : विराटनगर – ४, मोरङ
021-465302
9705660565
[email protected]
शाखा कार्यालय : थापागाउँ, काठमाडौं