विराटनगर । विराटनगरमा एउटै वडाका ११ जनासहित २२ जना कोरोना भाइरसका संक्रमित थपिएका छन् ।

शनिबारराति प्राप्त पछिल्लो पीसीआर परीक्षण रिपोर्टअनुसार विराटनगर महानगरपालिका–९ का ११ जनामा संक्रमण देखिएको छ । विराटनगर–१५ का एक, १४ का दुई, १२ का एक, ११ का एक, १० का दुई, ६ का एक, ३ का दुई जनामा कोरोना देखिएको छ । एक जनाको वडा खुलाइएको छैन ।

विराटनगरमै गरिएको परीक्षणबाट मोरङको जहदाका एक र प्रदेश २ का चार जनामा पनि कोरोना देखिएको छ । २२ जना नयाँ बिरामी थपिएसँगै विराटनगरमा कोरोना संक्रमितको संख्या दुई सय ७८ पुगेको महानगरको जनस्वास्थ्य महाशाखा प्रमुख रमेश कार्कीले बताए । विराटनगरमा शनिबार दिउँसो ३३ जना संक्रमित थपिएका थिए ।