भारत । भारतमा कोरोनाभाइरस संक्रमितको संख्या २९ लाख नाघेको छ।

बिहीबार ६८ हजार ५ सय ७ जनामा संक्रमण पहिचान भएसँगै कुल संक्रमितको संख्या २९ लाख ४ हजार ३ सय २९ पुगेको हो। 

बिहीबार थपिएका संक्रमितमा महाराष्ट्रमा मात्रै १४ हजार ६ सय ४७ जनामा संक्रमण देखिएको थियो।

यो सँगै महाराष्ट्रमा मात्रै संक्रमितको संख्या ६ लाख ४३ हजार २ सय ८९ पुगेको छ।

जसमध्ये ४ लाख ५८ हजार १ सय २४ जना संक्रमणमुक्त भएका छन् भने २१ हजार ३ सय ५९ जनाको मृत्यु भइसकेको छ।

कोरोना संक्रमणबारे तथ्यांक राख्ने वर्ल्डोमिटरका अनुसार, भारतभरि संक्रमणबाट ५४ हजार ९७५ जनाको मृत्यु भइसकेको छ।

बिहीबार मात्र ९ सय ८१ जनाको ज्यान गएको थियो।

भारतमा कुल संक्रमितमध्ये २१ लाख ५७ हजार ९ सय ४१ संक्रमणमुक्त भएका छन्। हिजो मात्र ६१ हजार ८ सय ७३ जना अस्पतालबाट डिस्चार्ज भएका थिए।

त्यहाँ अब सक्रिय संक्रमितको संख्या ६ लाख ९१ हजार ४ सय १३ छ।

जसमध्ये ८ हजार ९ सय ४४ जनाको स्वास्थ्य स्थिति जटिल छ।