विराटनगर । कोरोना भाइरस (कोभिड १९) संक्रमणका कारण मोरङमा एकै दिन दुई पुरुषको मृत्यू भएको छ ।

संक्रमणका कारण विराटनगरका एक र रंगेलीका एक जनाको मृत्यू भएको कोशी अस्पतालका मेडिकल सुपरिटेन्डेन डा. चुमनलाल दासले जानकारी दिए ।

विराटनगर महानगरपालिका–९ का ४५ वर्षीय पुरुषको दिउँसो १ः१० बजे मृत्यु भएको हो । उनलाई उपचारका लागि विराटनगरस्थित कोशी अस्पतालको आइसोलेसनमा भर्ना गरिएको थियो ।

मृत्यु हुनु अघि नै स्वाब संकलन गरेर परीक्षण गराइएकोमा रिपोर्ट दिउँसो ३ः४५ पोजेटिभ आएको सुपरिटेन्डेन दासले जानकारी दिए । मृतकमा ज्वरोका साथै जण्डिसको समस्या देखिएको थियो ।

त्यस्तै मोरङकै रंगेली नगरपालिका–८ का ४५ वर्षीय अर्का पुरुषको कोरोनाका कारण मृत्यु भएको हो । स्वास्थ्यमा समस्या भएपछि उपचारका लागि विराटनगर ल्याइएका उनको कोशी अस्पताल ल्याइपु¥याउँदा मृत्यु भइसकेको थियो ।

बिरामी हुँदा कोरोनासँग मिल्ने लक्षण देखिएपछि उनको पनि स्वाब संकलन गरेर कोशीको प्रयोगशालामा परीक्षण गराइएको थियो । मृतकको पीसीआर परीक्षण रिपोर्ट दिउँसो ३ः३० बजे पोजेटिभ आएको डा. दासले बताए ।