ताप्लेजुङ । ताप्लेजुङको तेल्लोकमा एक महिला मृत फेला परेकी छिन् ।

सिरिजङ्घा गाउँपालिका ४ तेल्लोककी ४४ बर्षिया इश्वरी लिम्बू घर नजिकै मृत भेटिएकी हुन् ।

घरछेउको बाटो देखी करिब १५ मिटर तल मृत भेटिएकी लिम्बुको लडेर मृत्यू भएको आशंका स्थानीयले गरेका छन् ।

स्थानीय बीरु लिम्बूकी श्रीमति इश्वरी शुक्रवार दिउँसो गाउँमा काम गर्न घरबाट निस्किएकी थिईन् ।

घर नफकिएपछि खोज्न जाँदा उनलाई मृत भेटिएको स्थानीयले प्रहरीलाई जानकारी गराएका थिए ।

जिल्ला प्रहरी कार्यालय ताप्लेजुङका प्रहरी प्रमुख (डिएसपी) महेन्द्रकुमार श्रेष्ठका अनुसार घटनाको अनुसन्धान भइरहेको छ ।