रुपन्देही । रुपन्देहीको सिद्धार्थनगर नगरपालिका–२ स्थित डण्डाखोलाको पुलबाट हामफालेकी एक युवतीलार्य सशस्त्र प्रहरीको टोलीले उद्धार गरी बचाएको छ ।
पुलबाट हामफालेकी सोहीकी २७ बर्षीया पबित्रा अधिकारीलाई सशस्त्रको टोलीले जीवितै उद्धार गरेको हो । उनले साउन २४ गते पुलबाट हाम्फालेकी थिइन् । सशस्त्र प्रहरी बल, नेपाल नम्बर २७ गण रुपन्देहीबाट खटिएको एपीएफ टोलीले उनको उद्धार गरेको हो ।

निज अधिकारीले पुलबाट हामफालेको भन्ने जानकारी पाउना साथ तत्कालै खटिएको सशस्त्र टोलीले उनलाई खोलाबाट जीवितै बाहिर निकाल्न सफल भएको हो । अधिकारीलाई आवश्यक उपचारका लागि भिम अस्पताल भैरहवातर्फ पठाइएको छ । उनले किन खोलामा हामफालेकी हुन् भन्नेबारे कुनै कुरा खुलिसकेको छैन ।