काठमाडौं । नेपालमा पछिल्लो समय कोरोनाभाइरस संक्रमितको संख्या बढ्दै जान थालेपछि यसबारे मन्त्रिपरिषद् बैठकमा छलफल हुने भएको छ । आज बस्ने मन्त्रिपरिषद् बैठकमा यसबारे छलफल हुने भएको हो ।

एक मन्त्रीका अनुसार आइतबार कोभिड १९ संकट व्यवस्थापन सेन्टरले गरेका विभिन्न सिफारिसमाथि आज मन्त्रिपरिषद् बैठकमा छलफल हुने भएको हो । सिसिएमसीको हिजोको बैठकमा काठमाडौं आवतजावतमा कडा प्रतिबन्ध लगाउन सिफारिस गरेको छ ।

पछिल्लो समय काठमाडौंमा बाहिरी जिल्लाबाट आउनेहरु धेरैमा कोरोनाभाइरस संक्रमण देखिएसँगै सिसिएमसीले यो निर्णय गरेको हो ।