विराटनगर । पित्त थैलीको शल्यक्रियाका लागि भर्ना भएकी एक कोरोना संक्रमित महिलाको विराटनगरको नोबेल मेडिकल कलेजमा मृत्यु भएको छ ।

मृत्यू हुनेमा मोरङ बेलबारी नगरपालिका– ७ बाहुनीकी ६४ वर्षीय महिलाको रहेको बताईएको छ ।

उनी २८ भदौमा नोबेल मेडिकल कलेज भर्ना भएकी थिइन् ।

पित थैलीमा पथरीयाको शल्यक्रियाका लागि भर्नाभएकी उनको मंगलबार राति मृत्यु भएको हो । मृत्यु पश्चात बुधबार उनको रिपोर्ट पोजेटिभ आएको हो ।

नोबेल मेडिकल कलेज विराटनगरका प्रबन्धक नारायण दाहालका अनुसार बुधबार शल्यक्रियाका गर्ने समय तालिका थियो तर रिपोर्ट नआउँदै उनको मृत्यू भएको हो ।

मृतक महिलामा अत्याधिक पेट दुख्ने र श्वासप्रश्वासको समस्या थियो ।

राई थरकी ६४ वर्षीय महिलाको मृत्यु भएसँगै बेलबारी नगरपालिकामा कोरोना संक्रमणका कारण मृत्यु हुनेको संख्या दुई पुगेको छ ।

यस अघि बेलबारी – ५ की महिलाको मृत्यु भएको थियो ।

संक्रमणका कारण प्रदेश १ मा ज्यान गुमाउनको संख्या ५२ पुगेको छ ।