विराटनगर । प्रदेश १ का सामाजिक विकासमन्त्री जीवन घिमिरेले घरमानै बसेर कोरोना जितेका छन् ।

संक्रमण पुष्टि भएको १७ दिनपछि उनी कोरोनामुक्त भएका हनु

कोरोनाको लक्षण देखिएपछि परिक्षण गर्दा गत भदौ १५ गते मन्त्री घिमिरेमा कोरोना पुष्टि भएको थियो ।

कोरोना देखिएपछि क्वाटरमा नै आइसोलेसन बस्नुभएका मन्त्री घिमिरेको भदौ २५ गते गरिएको परिक्षणमा पनि पोजेटिभ नै देखिएको थियो ।

घिमिरेको बुधबार तेस्रो पटक संकलन गरिएको स्वाब परिक्षणको रिपोर्ट नेगेटिभ आएको उहाँका प्रमुख स्वकीय सचिब तिलकबहादुर बस्नेतले जानकारी दिनुभयो ।

भदौ १३ गते धनकुटा अस्पतालको निरीक्षणमा गएर फर्किएपछि मन्त्री घिमिरेलाई झाडापखाला र ज्वरो आएको थियो।

त्यसपछि उहाँको स्वाब संकलन गरि परिक्षण गर्दा कोरोना देखिएको थियो।

मन्त्री घिमिरेमा संक्रमण पुष्टि भएपनि उहाँको परिवारका सदस्य र सचिवालयका कर्मचारीको रिपोर्ट नेगेटिभ आएको थियो ।

स्वकीय सचिब राम पोख्रेलको रिपोर्ट पोजेटिभ आएपनी उनी मन्त्री घिमिरेको क्लोज कन्ट्याक्टमा थिएनन ।