विराटनगर । नेपाल पत्रकार महासंघ १ नंबर प्रदेश समिति आफ्नै कार्यालय भवनमा सरको छ । विराटनगर ५ मा बन्दै गरेको भवनमा संविधान दिवसको अवसर पारेर शनिबार सरेको हो ।
प्रदेश सरकारको सहयोग तथा विराटनगर महानगर पालिकाले उपलब्ध गराएको जग्गामा भवन निर्माण गरि कार्यालय सारिएको पत्रकार महासंघका अध्यक्ष बिक्रम लुईँटेलले बताए ।
चार तले भवन बनाउने गरी काम सुरु गरे पनि यो वर्ष दशैं अघि दुई तला पुर्ण रुपमा सम्पन्न हुने अध्यक्ष लुईँटेलले जानकारी दिए । प्रदेश पत्रकार महासंघमा आफ्नै भवन बनाउने यो पहिलो प्रदेश समिति हो ।
कोरोना महामारीका बेला प्रदेशका बिभिन्न सञ्चारमाध्यमलाई सरकारको समन्वयमा ५४ लाख रुपैयाँ बितरण गरेको महासंघले निकट भविश्यमा पत्रकाहरुलाई लेखनबृत्ती समेत दिने तयारी गरेको छ ।
यो महामारिको बेला अप्ठ्यारोमा परेका करिब सय जना पत्रकारलाई लेखनबृत्ती दिने योजना सारिएको महासचिव विवेक गौतमले बताए ।