विराटनगर । विराटनगरको कोशी अस्पतालको आइसोलेसनमा सुनसरीका एक कोरोना संक्रमित पुरुषको मृत्यु भएको छ ।

दुहवी नगरपालिका ५ का ६० वर्षीय पुरुषको सोमबार दिउँसो मृत्यू भएको हो ।

उपचारका लागि अस्पतालमा भर्ना गरिएको केही बेरमै मृत्यु भएको अस्पतालका आइसोलेसन संयोजक एवं बरिष्ठ फिजिसियन डा. लक्ष्मीनारायण यादवले जानकारी दिए ।

उनका अनुसार ज्वरो, खोकी र श्वासप्रश्वासमा समस्या देखिएको थियो ।

तत्काल आइसोलेसनमा राखेर उपचार थालिएका उनको सोमबार दिउँसो ३ः०५ बजे मृत्यु भएको हो ।

मृत्युपछि स्वाब संकलन गरेर पीसीआर परीक्षण गराउँदा राति ८ बजेतिर रिपोर्ट पोजेटिभ आएको थियो ।