विराटनगर । मोरङको जहदाका एक कोरोना संक्रमित पुरूषको बुधबार विहान कोशी अस्पताल कोभिड १९ उपचार केन्द्र विराटनगरमा मृत्युु भएको छ ।

जहदा ६ का ६३ बर्षिय पुरूषको उपचारका क्रममा मृत्युु भएको अस्पतालका संयोजक डा.दीपक सिग्देलले बताए ।

असोज ४ गते संक्रमण देखिएपछि सोही दिन उनलाई कोभिड अस्पतालमा भर्ना गरिएको थियो ।

असोज ५ गतेदेखि भेन्टिलेटरमा राखेर उपचार भईरहेकोमा बुधबार विहान ४ वजे मृत्यु भएको डा. सिग्देलले बताए ।

उनले बृद्वमा स्वासप्रस्वासमा समस्या देखिएको, मधुमेह र उच्चरक्तचापबाट पीडित रहेको बताए ।