ताप्लेजुङ । गृह जिल्ला ताप्लेजुङ पुगेका संस्कृति, पर्यटन तथा नागरिक उडडयन मन्त्री योगेश भट्टराई शनिबार (आज) तीन कार्यक्रममा सहभागी हुँदैछन् ।

विहान सिवाँ माविमा आईटी ल्याव उद्धघाटन गरी फक्तालुङ गाउँपालीकामा हुने अन्य दुई कार्यक्रममा सहभागी हुने मन्त्रीको सचिवालयले जनाएको छ ।

गाउँपालीकामा जनप्रतिनिधी र कार्यालय प्रमुख सँगको अन्तरक्रियासँगै गाउँपालिका क्षेत्रमा रहेका विद्यालयका प्रधानअध्यापक सँग गाउँका समस्या र अब गर्नुपर्ने कामका विषयमा मन्त्री भट्टराईले छलफल गर्ने तयारी रहेको छ । यो कार्यक्रम विहान १० बजेका लागि राखिएको छ ।

यस्तै आजको अन्तिम कार्यक्रम दिउँसो १ बजे फक्तालुङ नेकपा गाउँ कमिटिले आयोजना गरेको अन्तरक्रियामा मन्त्री भट्टराई सहभागी हुनेछन् । उक्त कार्यक्रममा गाउँपालिकामा रहेका जिल्ला कमिटी सदस्य, स्थानीय तहमा पाटीबाट निर्वाचित जनप्रतिनिधी, वडाकमिटी पदाधिकारी र जनवर्गीय संगठनका ५÷५ जनाको सहभागीता रहने बताईएको छ ।

मन्त्री सहभागी हुने कार्यक्रम सबै बढीमा दुई घण्टाको हुने मन्त्री भट्टराईका स्वकीय सचिव प्रेम गुरागाईँले जानकारी दिए । मन्त्री भट्टराई सहितको टोली शनिबार साँझ खोक्लिङमा बास बस्ने र आईतबार मिक्वाखोला गाउँपालीका क्षेत्रमा हुने दुई कार्यक्रममा सहभागी कार्यक्रम तय भएको छ ।