ताप्लेजुङ । संस्कृति, पर्यटन तथा नागरिक उडडयन मन्त्री योगेश भट्टराई शनिबार (आज) विहान फक्ताङ्लुङ गाउँपालिकाको ३ लिङ्खिममा रहेको सिँवा माध्यमिक बिद्यालयमा स्थापित आइसीटी केन्द्रको उद्घाटन गरेका छन् ।

मन्त्री भट्टराइकै सहयोग र पहलबाट स्थापना भएको सूचना प्रविधि कक्षमा २४ वटा कम्युटर, प्रिन्टर, त्यसलाई सञ्चालन गर्ने नविकरणीय उर्जा र इन्टरनेटको व्यवस्था रहेको छ ।

विद्यालयका प्रधानाध्यापक ओमनाथ गौतमका अनुसार करिब १ करोड रुपैंयाको लागतमा बिद्यालयमा सूचना प्रविधि कक्ष सथापना भएको हो ।

यस कार्यक्रम अघि मन्त्री भट्टराइले यहाँ निर्माणाधिन ७३ मेघावाट क्षताको मध्य तमोर जलबिद्युत आयोजनाको मित्लुङ क्षेत्रमा निर्माण भइरहेको कामको निरीक्षण गरेका थिए ।