विराटनगर । राष्ट्रिय युवा संघको अगुवाईमा प्रदेश १ को राजधानी विराटनगरमा विहीबार मोटरसाईकल ¥याली निकालिएका छ ।

शनिबार प्रधानमन्त्री केपी शर्मा ओली विराटनगरमा हुने जनसभामा सहभागी हुन आउने भएकाले त्यसको प्रचारका लागि युवासंघले विहीबार विराटनगरसहित मोरङका विभिन्न स्थानमा मोटरसाईकल ¥याली निकालेको हो ।

हजारौँको संख्यामा दिउँसो नेकपा पार्टी कार्यालयबाट निकालिए मोटरसाइकल ¥यालीले विराटनगरका मुख्य चोकहरुको परिक्रमा गरेको युवासंघका केन्द्रिय कोषाध्यक्ष मुकेश बुढाथोकीले जानकारी दिए ।

उनका अनुसार विराटनगरमा मात्रै मोटरसाइकल ¥यालीमा नेकपा केपी शर्मा ओली समुह निकट जनवर्गिय संगठन सहित नेता कार्यकर्ता गरी ५ हजार बढीको सहभागीता रहेको थियो ।

यस्तै युवा संघकै अगुवाईमा विराटनगर बाहिर विराटचोकमा पनि मोटरसाईकल ¥यालीको आयोजना गरिएको ¥यालीको संयोजक समेत रहेका बुढाथोकीले बताए ।

यस्तै पार्टी अध्यक्ष तथा प्रधानमन्त्री केपी शर्मा ओली आउने पूर्वसन्ध्यामा शुक्रबार विराटनगरमा युवासंघले मार्चपासको तयारी समेत गरेको उनको भनाई छ ।