काठमाडौं । स्वास्थ्य तथा जनसंख्या मन्त्रालयले नेपालमा करिब ७९ लाखले कोरोनाविरुद्धको पूर्ण खोप लगाएको दाबी गरेको छ ।
काठमाडौँ उपत्यकामा मात्रै पनि ४१ प्रतिशतले खोप पाएको मन्त्रालयका प्रवक्ता डा. कृष्णप्रसाद पौडेलले जानकारी दिए । उनका अनुसार नेपालमा कोरोनाविरुद्धको पूर्ण मात्रा खोप लगाउनेको सङ्ख्या ७८ लाख ९० हजार ३७५ छ ।
हालसम्म ६२ लाख ६२ हजार ७८० जनाले पहिलो मात्रा खोप लगाएको उनले बताए । कोभिसिल्डको पहिलो मात्रा लगाउनेको संख्या २६ लाख ३६ हजार ८२३ पुगेको छ । कोभिसिल्डको दुवै मात्रा लगाउनेको संख्या १४ लाख ८८ हजार ४३५ छ ।
मन्त्रालयको तथ्याङ्क अनुसार भेरोसेल खोपको पहिलो मात्रा लगाउनेको ३६ लाख २५ हजार ९५७ छन् । २८ लाख २३ हजार ६८३ जनाले भेरोसेलको पूर्ण मात्रा लगाएका छन् । यस्तै जोन्सन एन्ड जोन्सनको पूर्ण खोप लगाउनेको संख्या १४ लाख ४० हजार ७३५ छ ।