ताप्लेजुङ – प्रतिनिधि र प्रदेसभा निर्वाचनका लागि नेकपा (एस) ताप्लेजुङले उम्मेदवारको नाम सिफारिस गरेको छ ।
पार्टीको बैठकले प्रत्यक्ष र समानुपातिकतर्फका उम्मेदवारको नाम सर्वसम्मत सिफारिस गरेको जिल्ला अध्यक्ष छिरिङ लामाले जानकारी दिए ।
उनका अनुसार प्रतिनिधिसभाको प्रत्यक्षतर्फको उम्मेदवारमा सिफारिस गरिएकामा मुकुन्द भट्टराई (मिक्वाखोला गाउँपालिका), कल्पना तुम्बाहाम्फे (मेरिङदेन गाउँपालिका) र हर्क यक्सो (आठराई त्रिबेणी गाउँपालिका) छन् ।
समानुपातिकतर्फ भने त्रिलोचन गुरागार्इँ (फुङलिङ नगररपालिका) र अम्बिका राजभण्डारी (फुङलिङ नगरपालिका) साथै डम्बरबहादुर तुम्बाहाम्फे (मेरिङदेन गाउँपालिका) लाई सिफारिस गर्ने निर्णय भएको लामाको भनाई छ ।
यस्तै प्रदेशसभा १ (क) को प्रत्यक्षतर्फ शम्भु गौतम (फुङलिङ नगरपालिका), सुनिता मादेन (फुङलिङ नगरपालिका) र डालकुमार गुरुङ(फुङलिङ नगरपालिका) लाई सिफारिस गर्ने निर्णय भएको छ ।
प्रदेशसभा १(ख) को प्रत्यक्षतर्फ खेमबहादुर वनेम (मैवाखोला गाउँपालिका), मञ्जु पौडेल भट्टराई (आठराई त्रिबेणी गाउँपालिका) र ठाकुरसिंह नाल्वो (मेरिङदेन गाउँपालिका) को नाम सिफारिस गर्ने निर्णय भएको छ ।
प्रदेशसभाको समानुपातिकतर्फ फुङलिङ नगरपालिकाका नीताकुमारी सिवा र अमर लोहार तथा आरसी पोमू (आठराइ त्रिबेणी गाउँपालिका) र देवीमाया नेपाली (मेरिङदेन गाउँपालिका) को नाम सिफारिस गरिएको छ ।