उदयपुर । रुसी सेनाबाट भागेर स्वदेश फर्किएका उदयपुरको त्रियुगा नगरपालिका ११ का ४२ वर्षीय राजेन्द्र दाहाल घर पुगेका छन् ।

आफूसँगै रुस गएका पाँच जना नेपालीमध्ये तीन जना युद्धमा मारिएपछि भागेर नेपाल फर्किएको उनले बताएका छन् । भाग्न खोज्नेलाई रुसी सैन्य अधिकारीले पासपोर्ट, मोबाइल जफत गरेर जेलमा लाने र पुनः युद्धमै पठाउने गरेको उनको भनाइ छ ।

दलालमार्फत उनी गत कार्तिक १ गते रुस पुगेर सेनामा भर्ती भएका थिए । छोटो तालिम पछि युक्रेनविरुद्धको युद्धमा होमिनु परेको उनले बताए । पाँचौपटकको प्रयासमा भाग्न सफल भएको पनि उनले बताए ।