काठमाडौं– अमेरिकी पूर्वराष्ट्रपति डोनाल्ड ट्रम्पले टेस्लाका मालिक एलन मस्कलाई सल्लाहकार बनाउन तयार रहेको बताएका छन् ।

अमेरिकी राष्ट्रपति चुनावमा रिपब्लिकन पार्टीका तर्फबाट उम्मेदवार रहेका ट्रम्पले न्युज एजेन्सी रोयटर्ससँगको कुराकानीमा मस्कलाई सल्लाहकार बनाउन तयार रहेको बताएका हुन् ।

के मस्कलाई सल्लाहकार अथवा क्याविनेटमा स्थान दिनुहुन्छ ? भन्ने प्रश्नमा उनले भनेका छन्– ‘अवश्य पनि दिन्छु ।’

ट्रम्पले मस्कलाई अत्यन्तै बुद्धिमान व्यक्तिको संज्ञा दिँदै उनले चाहे सल्लाहकार अथवा मन्त्री पद दिन सकिने प्रतिक्रिया दिएको बीबीसीले जनाएको छ ।

टेस्ला र स्पेस एक्सका मालिक मस्कले हालै सामाजिक सञ्जाल एक्स (ट्विटर) मा ट्रम्पको अन्तरवार्ता लिएका थिए ।