काठमाडौं । ताप्लेजुङमा रहेको पर्यटकीय क्षेत्र आलाङचुङगोला र यसै स्थानमा रहेको दिकी छ्योलिङ गुम्बाको महŒव समेट्दै तयार पारिएको गीत सार्वजनिक भएको छ ।

टंक भट्टराईको शब्द, दिपक शर्माको संगीत, निरोज लामा, बेनिशा पौडेल र वीरेन्द्र श्रेष्ठको स्वर रहेको ‘ओलाङचुङगोला’ बोलको गीतमा पेम्बा ओङ्दी शेर्पा र मारियम सिवालाई फिचरिङ गरिएको छ ।

ओलाङचुङगोलामा पर्यटकलाई गरिने सत्कार र सम्मानका साथै यहाँ रहेको करिब ५०० वर्ष पुरानो दिकी छ्योलिङ गुम्बाको महत्व र यहाँ लाग्ने पर्वलाई मुख्य रूपमा देखाइएको उक्त गीतमा याङ्मा क्षेत्र, यस क्षेत्रका ताल र पोखरीका साथै तमोर नदी, चोरी र सीमा क्षेत्रलाई पनि समेटिएको छ ।

भूपेन्द्र गुरुङले करियोग्राफी गरेको उक्त गीतमा घुम्न गएकी एक पर्यटक यहाँका एक युवकसँग मायामा परेको कथा देखाइन्छ । भेटिँदाको खुसी र छुट्दाको पीडालाई गीतको भिडियोमा उतारिरहँदा यहाँको आकर्षक पर्यटकीय स्थानलाई पनि सँगै फिचरिङ गरिएको छ ।

हर्कराज गुरुङद्धारा निर्देशित उक्त गीतको छायांकन भूपेन्द्र योङहाङ, फुङसो जवेगु र सोवित गुरुङले गरेका हुन् । उक्त गीत सोमबार भवसागर इन्टरटेग्मेन्ट युट्युब मार्फत् सार्वजनिक गरिएको हो । पर्यटन प्रवद्र्धनका लागि तयार पारिएको उक्त गीत ओलाङचुङगोला क्षेत्र पर्ने फक्ताङलुङ गाउँपालिका वडा नंबर ७ ले निर्माण गरेको हो ।