काठमाडौँ । नेपाली काँग्रेसका सभापति गगन थापाले प्रमुख प्रतिपक्षीको जिम्मेवारीमा रहेर सरकारलाई जिम्मेवार बनाउने गरी भूमिका निर्वाह गरिरहेको बताएका छन्।

काँग्रेस केन्द्रीय समितिको बैठकलाई सम्बोधन गर्दै थापाले सरकारसँग आवश्यक विषयमा सहकार्य गर्ने र सरकारका काममाथि प्रश्न उठाउने प्रतिपक्षीको जिम्मेवारी रहेको बताए।

उनले विशेष महाधिवेशन विधानसम्मत र औचित्यपूर्ण रहेको दाबी गर्दै निर्वाचन आयोगले त्यसको परिणाम स्वीकार गरिसकेको बताए।
साथै, १५औँ महाधिवेशन निष्पक्ष बनाउन सबै पुस्ता र समुदायलाई समेटेर पार्टीलाई एकताबद्ध बनाउनुपर्नेमा जोड दिए।