काठमाडौँ । सत्तारुढ राष्ट्रिय स्वतन्त्र पार्टी (रास्वपा) ले संगठन विभाग प्रमुखमा प्रमोद न्यौपाने र पार्टी प्रवक्तामा पूर्वमन्त्री जगदीश खरेललाई मनोनयन गरेको छ।

पार्टी केन्द्रीय कार्यालय वनस्थलीमा जारी केन्द्रीय समिति बैठकले विभिन्न विभागका प्रमुखसमेत टुंगो लगाएको हो।

बैठकले सार्वजनिक सेवा तथा जनगुनासो विभाग प्रमुखमा विजय जैरु, जनस्वास्थ्य विभाग प्रमुखमा ड.तोसिमा कार्की र पूर्वाधार विभाग प्रमुखमा निशा डाँगीलाई जिम्मेवारी दिएको छ।

त्यस्तै, अन्तर्राष्ट्रिय तथा कूटनीतिक विभाग प्रमुखमा परराष्ट्रमन्त्री शिशिर खनाल र अर्थ विभाग प्रमुखमा लीमा अधिकारीलाई मनोनयन गरिएको छ। पार्टीको आधिकारिक धारणा सार्वजनिक गर्ने प्रवक्ताको जिम्मेवारी पूर्वमन्त्री खरेललाई दिइएको हो। रास्वपाको केन्द्रीय समिति बैठक भने जारी छ।