काठमाडौं । हिमाली क्षेत्रमा जलवायु परिवर्तनको प्रभाव, जलवायु न्याय तथा भोटेकोशी-त्रिशूली विपद् अध्ययन गर्न गठित प्रतिनिधि सभाको विशेष समितिको सभापति चयन असोज १४ गते हुने भएको छ।

सभामुख डोलप्रसाद अर्यालले सोमबारको प्रतिनिधि सभा बैठकमा सभापति पदको निर्वाचन असोज १४ गते दिउँसो २ बजे हुने जानकारी गराए।

उनले प्रतिनिधि सभा नियमावली, २०८३ को नियम १७६ उपनियम (१) बमोजिम निर्वाचनको समय निर्धारण गरेका हुन्।

विशेष समितिले हिमाली क्षेत्रमा जलवायु परिवर्तनको प्रभाव र भोटेकोशी-त्रिशूली क्षेत्रमा देखिएको विपदबारे अध्ययन गर्नेछ। सभापति चयनसँगै समितिको काम अघि बढ्नेछ।