विराटनगर । सुनसरीमा प्रहरीले ५ सय ६४ किलो गाँजासहित सुमो गाडी नियन्त्रणमा लिएको छ।  बुधबार राति सुनसरीको बर्जु गाउँपालिका–२ स्थित विराटनगर–बेलाहा सडकखण्डमा इलाका प्रहरी कार्यालय सीतागञ्ज र प्रहरी चौकी अमडुवाबाट संयुक्त रूपमा खटिएको प्रहरी टोलीले विराटनगरबाट बेलाहातर्फ जाँदै गरेको बा १२ च १७३८ नम्बरको सुमो गाडीलाई चेकजाँच गरेको थियो।

चेकजाँचका क्रममा सुमोभित्र ५ सय ६४ किलो गाँजा फेला परेको सुनसरी प्रहरीले जनाएको छ। प्रहरीले गाँजासहित गाडी नियन्त्रणमा लिएर घटनाबारे अनुसन्धान अघि बढाएको छ।

प्रहरीका अनुसार गाडी चालक भने फरार भएका छन्। फरार चालकको खोजी भइरहेको सहायक सूचना अधिकारी प्रहरी निरीक्षक हेमराज ओलीले जानकारी दिए।