काठमाडौं । सेयर बजार परिसूचक नेप्से बिहीबार ४.५६ अंकले बढेर २६२५.८२ विन्दुमा पुगेको छ । नेप्सेसँगै यस दिन कारोबार रकम पनि बढेको छ । बिहीबार बजारमा ४ अर्ब ७१ करोड रुपैयाँ बराबरको सेयर कारोबार भएको हो ।

बजारमा भएको उतारचढावबीच १७१ कम्पनीको सेयर मूल्य बढेको छ भने ९१ कम्पनीको मूल्य घटेको छ । यस्तै, १५ कम्पनीको सेयर मूल्य स्थिर रहेको छ । यस दिन बेनी हाइड्रोपावरको सेयर मूल्य सर्वाधिक १४.९८ प्रतिशतले बढेको छ ।

यस्तै, म्युचुअल फन्ड समूहको परिसूचक सामान्य अंकले घटेको छ भने अन्य समूहका परिसूचकमा दुई प्रतिशतभन्दा कम गिरावट आएको छ ।