Lite Nepal

मंगलबार, मंसिर ०१, २०८३

काठमाडौं । नेपाल प्रहरीको अपराध अनुसन्धान कार्यालयबाट खटिएको टोलीले ललितपुरबाट बोरामा राखिएको करिव डेढ करोड बढी रकमसहित तीन जनालाई गरेको छ ।

प्रहरीका अनुसार पक्राउ पर्नेमा भोजपुर नगरपालिका–३ घर भएका ३० वर्षीय दीपक खड्का, गोदावरी नगरपालिका–१० का ३२ वर्षीय जयराम केसी र काठमाडौं–१० नयाँ बानेश्वरका २९ वर्षीय प्रज्वल रिजाल रहेका छन् ।

अपराध अनुसन्धान कार्यालयका एसएसपी सन्तोष खड्काले दिएको जानकारी अनुसार १ करोड ६७ लाख ३३ हजार २ सय २० रुपैयाँसहित उनीहरूलाई पक्राउ गरिएको हो । बा. प्र. १–०२७ च २७६५ नम्बरको भ्यानबाट उक्त रकमसहित उनीहरूलाई पक्राउ गरिएको हो ।

प्रहरीका अनुसार मंगलबार बिहान सवा १० बजेतिर पशुपतिनाथ पराग सप्लायर्सको कम्पनीमा काम गर्ने तीन जना बा प्र १ ०२७ च २७६५ नम्बरको भ्यानमा नख्खु चोकतर्फ गइरहेको विशेष सूचना आएको थियो ।

उक्त सूचनाको आधारमा खटिएको टोलीले रकमसहित पक्राउ गरेको हो । एसएसपी खड्काले उनीहरूले कुन प्रयोजनका लागि उक्त रकम कहाँ लग्दै थिए भन्ने खुलिनसकेको बताए ।

तपाईको प्रतिक्रिया
सम्बन्धित खबरहरु
Social Media
हाम्रो बारेमा

प्रकाशक कम्पनी : अर्बिट डिजिटल मिडिया नेटवर्क प्रा.लि
सूचना विभाग दर्ता नं. : ५३९७–२०८२/२०८३
www.litenepal.com नेपाली भाषाको अनलाइन समाचार पोर्टल हो । यसको केन्द्रीय कार्यालय कोशी प्रदेशको राजधानी विराटनगरमा छ, भने काठमाडाैंमा शाखा कार्यालय रहेकाे छ ।

हाम्रो टिम

सम्पादक
रविन भट्टराई

 

सम्पर्क

केन्द्रीय कार्यालय : विराटनगर – ४, मोरङ
021-465302
9705660565
[email protected]
शाखा कार्यालय : थापागाउँ, काठमाडौं