काठमाडौं । नेकपा (एमाले) निकट अनेरास्ववियुका अध्यक्ष दीपक धामीसहितका विद्यार्थी नेताहरूलाई प्रहरीले पक्राउ गरेको छ ।

काठमाडौंका विभिन्न मिडिया हाउसको गेट अगाडि र सडकमा शंकास्पद गाडी पार्किङको विरोधमा अनेरास्ववियुले बुधबार बिहान सिंहदरबार अगाडि मोटरसाइकल पार्किङ गरेर गरेको शान्तिपूर्ण विरोध प्रदर्शनका क्रममा अध्यक्ष धामीसहितका विद्यार्थी नेताहरू पक्राउ परेका हुन् ।

पक्राउ पर्नेहरुमा अनेरास्ववियु अध्यक्ष धामी, अनेरास्ववियु निर्वाचन आयोग अध्यक्ष जितप्रसाद सिटौला, सचिवालय सदस्य विशाल खड्का, उपत्यका विशेष बागमती प्रदेश संयोजक रवि मगर, केन्द्रीय सदस्य विष्णु उपरकोटी, कानुन राष्ट्रिय कमिटी सचिव सुदिप थापा र अनेरास्ववियु सिटीभिटी सदस्य सिरिस बुढा रहेका छन् । पक्राउ विद्यार्थी नेताहरूलाई विनाशर्त रिहा गर्न अनेरास्ववियुले माग गरेको छ ।