धनगढी । धनगढीमा आमरण अनशनरत डा. गोविन्द केसीले सरकारसँग वार्तापछि सहमति जुटेपछि आफ्नो अनशन समाप्त गरेका छन्।

बिहीबारदेखि सुरु भएको अनशनका क्रममा उनका मागका विषयमा छलफल गर्न सरकारी प्रतिनिधिमण्डल शनिबार धनगढी पुगेको थियो। वार्ताबाट सहमति भएपछि डा. केसीले अनशन अन्त्य गर्ने निर्णय गरेका हुन्।

अनशन समापनका क्रममा उनले धनगढीस्थित अस्पतालमा बिरामीका कुरुवा रहेका गौमुल गाउँपालिका-२ का चक्रबहादुर धामीको हातबाट जुस ग्रहण गरेका थिए।

जुस सेवनसँगै डा. केसीले जारी राखेको आमरण अनशन औपचारिक रूपमा समाप्त भएको हो।