विराटनगर । पीएलओ ब्रान्डको उत्पादक पूर्वाञ्चल ल्युब आयल लिमिटेडको २७ औं वार्षिक साधारणसभा सम्पन्न भएको छ ।

सभाले गत आवको नाफाबाट हाल कायम चुक्ता पुँजीको ८.४२ प्रतिशत नगद लाभांश वितरण गर्ने प्रस्ताव समेत पारित गरेको छ ।

सभाले सञ्चालक समितिबाट प्रस्तुत आर्थिक वर्ष २०८२/०८३ को वार्षिक तथा वित्तीय प्रतिवेदनसहित आगामी आर्थिक वर्षका लागि लेखापरीक्षक नियुक्ति, बजेट, सञ्चालकहरूको पारिश्रमिक तथा नयाँ सञ्चालक समिति चयनसम्बन्धी प्रस्ताव पारित गरेको छ ।

यसैबीच, पूर्वाञ्चल ल्युब आयलले ६ लाख कित्ता शेयर आईपीओ निष्कासनको तयारीलाई अघि बढाएको छ ।

२७ औं वार्षिक साधारणसभा सम्पन्न भएसँगै कम्पनीले बुक बिल्डिङ विधिमार्फत आईपीओ निष्कासनको प्रक्रिया अघि बढाएको हो ।

आईपीओ निष्कासनमार्फत पूँजी विस्तार गर्दै व्यवसायलाई थप विस्तार गर्ने कम्पनीको योजना छ ।