काठमाडौँ । राष्ट्रिय स्वतन्त्र पार्टी (रास्वपा) ले आफ्ना सांसद तथा केन्द्रीय सदस्यहरूलाई परिचालन गर्दै ‘हामी आउँदै छौँ’ अभियान यही असोज २० गतेदेखि सुरु गर्ने भएको छ। संगठन विस्तार तथा जनतासँगको पहुँचलाई थप सुदृढ बनाउने उद्देश्यले रास्वपाले देशव्यापी रूपमा यो अभियान सञ्चालन गर्न लागेको हो।

अभियानलाई व्यवस्थित र प्रभावकारी बनाउन पार्टीका सांसद तथा केन्द्रीय सदस्यहरूलाई विभिन्न जिल्लाको जिम्मेवारी तोकिएको छ। जिम्मेवारी पाएका नेताहरू सम्बन्धित जिल्लामा पुगेर अभियानअन्तर्गतका कार्यक्रमको नेतृत्व गर्नेछन्।

रास्वपाले सांसद तथा केन्द्रीय सदस्यहरूलाई तोकिएका जिल्लाहरूको विस्तृत तालिकासमेत सार्वजनिक गरेको छ। अभियानमार्फत पार्टीका शीर्ष तथा केन्द्रीय तहका नेताहरू प्रत्यक्ष रूपमा जनतामाझ पुग्ने र संगठनात्मक गतिविधिलाई अघि बढाउने तयारी गरिएको छ।

को कहाँ ?