काठमाडौं । धादिङको गजुरी गाउँपालिका–५, गलौँदीस्थित पृथ्वी राजमार्ग दुईतर्फी सञ्चालनमा आएको छ। त्रिशूली नदीले कटान गर्दा शुक्रबार सडक भासिएपछि उक्त खण्डमा यातायात अवरुद्ध भएको थियो। भासिएको सडक मर्मतपछि आइतबार दिउँसो ३ः१० बजेदेखि दुईतर्फी सञ्चालनमा आएको प्रहरीले जनाएको छ।

सडक सञ्चालनमा आएसँगै उक्त खण्डमा रोकिएका तथा आवतजावत गर्ने सवारीसाधनलाई दुवैतर्फ आवागमन गर्न सहज भएको छ।