काठमाडौं । प्रधानमन्त्री बालेन्द्र शाह मंसिर ६ गते भारत भ्रमणमा जाने र भोलिपल्टै फर्कने भएका छन्। उनी दिल्लीमा करिब २५ घण्टा मात्रै रहनेछन्। नेपालले भारतसँग २ खर्ब भारु आर्थिक सहयोग माग गरेको छ। यसमध्ये १ खर्ब सहुलियतपूर्ण ऋण र १ खर्ब अनुदान प्रस्ताव गरिएको छ।
भ्रमणका क्रममा थप हवाई रुट, रक्सौल–काठमाडौं रेलमार्ग, अयोध्या–जनकपुर रेल सेवा, पेट्रोलियम पाइपलाइन र पञ्चेश्वर परियोजनाबारे छलफल हुने सम्भावना छ। विद्युत् निर्यात, बंगलादेशमा बिजुली पठाउन भारतको सहजीकरण र महाकाली सिँचाइ आयोजनाका लागि पानी उपलब्ध गराउने विषय पनि नेपालको एजेन्डामा छन्।

प्रधानमन्त्रीसँग भौतिक पूर्वाधारमन्त्री सुनिल लम्साल, ऊर्जामन्त्री विराजभक्त श्रेष्ठ र पर्यटनमन्त्री गनेश पौडेल पनि भारत जानेछन्। भ्रमणको औपचारिक घोषणा र विस्तृत तालिका भने सार्वजनिक हुन बाँकी छ।
