ताप्लेजुङ । कोरोना संक्रमण समाजमानै फैलन थालेपछि प्रदेश १ को पहाडी जिल्ला ताप्लेजुङ प्रवेशमा कडाई गरिने भएको छ । केही संक्रमित देखिए पनि थप बढ्न नदिन ताप्लेजुङमा अन्य जिल्लाबाट प्रवेशमा कडाई गर्ने निर्णय भएको हो ।

अब ताप्लेजुङ प्रवेश अघि स्थानीय प्रशासनको सहमति भएमा मात्र प्रवेश अनुमति दिने कोरोना नियन्त्रण तथा व्यवस्थापन समितिले निर्णय गरेको छ ।

अब पूर्व सहमति प्राप्त नागरिक र सवारीलाई मात्र ताप्लेजुङको सीमाना कोबलीबाट प्रवेश अनुमति दिईने कोरोना नियन्त्रण तथा व्यवस्थापन समितिका सदस्य सचिव एवम् प्रमुख जिल्ला अधिकारी डोरेन्द्र निरौलाले जानकारी दिए ।