काठमाडौं । सरकारले गठन गरेको वार्ता समिति र पाथीभरामा केबलकारको विरोधमा रहेको पहिचानपक्ष बिच आज पनि वार्ता हुने भएको छ ।

सरकारी वार्ता टोलीका संयोजक एवम् नेपाल सरकारका सहसचिव प्रेमप्रसाद भट्टराइले हिजोको पहिलो वार्ता सकारात्मक भएको र आज पुनः वार्तामा बस्ने जानकारी दिए ।

हिजोको बैठकमा आन्दोलनरत पक्षले आफ्ना मागहरु राखेका थिए । थप छलफल गर्न आवश्यक रहेको निष्कर्षसहित आज पुनः बस्नेगरी स्थगित भएको भट्टराईले बताए ।

आन्दोलनरत पक्षले केबलकार निर्माणको काम रोक्नु पर्ने, काफ्लेपाटीमा रहेको सुरक्षा पोष्ट फिर्ता हुनुपर्ने, पक्राउ परेकाहरूलाई छाड्नु पर्ने, घाइतेको उपचार गर्नुपर्ने लगायत माग राखेका थिए ।

सरकारी वार्ता टोलीले केबलकार निर्माण काम रोक्न नसकिने बताएको थियो ।

पाथीभरामा केबलकार निर्माण भएपछि १ दिनको यात्रा १० मिनेटमा छोटिँदै

पाथीभरामा केबलकार : ज्येष्ठ नागरिक र बालबालिकाले निःशुल्क चढ्न पाउने