काठमाडौं । नेकपा अध्यक्ष तथा प्रधानमन्त्री केपी शर्मा ओली आज चितवनको भरतपुर जानुहुने भएको छ ।

चितवनमा सभालाई सम्बोधन, महानगरीय सिटीहल र पुलचोक–गोन्द्राङ ६ लेन सडक शिलान्यास गर्ने लगायतका कार्यक्रमहरु रहेका छन् । कार्यक्रमको भरतपुर महानगरपालिका र प्रचण्ड–माधव पक्षीय नेकपा चितवनले दुई छुट्टाछुट्टै कार्यक्रम गर्दै पत्रकार सम्मेलन मार्फत शुक्रबार विरोध गरेका थिए ।

प्रधानमन्त्रीको शिलान्यास कार्यक्रमप्रति नेकपाको दाहाल–नेपाल समूहको चितवन जिल्ला कार्यसमितिले पनि विरोध जनाएको छ । शिलान्यास कार्यक्रम ‘नौटंकीयुक्त कार्य’ भन्दै यसको विरोध गर्दै प्रेस विज्ञप्ति जारी गरेको छ ।