विराटनगर । झापाको शिवसताक्षीमा बसले मोटरसाईकललाई ठक्कर दिंदा मोटरसाईकल चालकको मृत्यु भएको छ ।

शिवसताक्षी नगरपालिका ९ दुधेमा बुधवार राती पश्चिमबाट पूर्व तर्फ जाँदै गरेको मे १ ख १९८० नम्बरको बसले बिपरीत दिशाबाट आउँदै गरेको बा ५६ प २९५८ नम्बरको मोटरसाईकललाई ठक्कर दिएको हो ।

दुर्घटनामा घाईते भएका मोटरसाईकल चालक शिवसताक्षी नगरपालिका ११ का ४१ बर्षीय पुर्ण कुमार कडरियाको झापाको बीएण्डसी अस्पतालमा उपचारको क्रममा मृत्यु भएको ईलाका प्रहरी कार्यालय अनारमनीले जनाएको छ ।

घटना विषयमा प्रहरीले थप अनुसन्धान गरिरहेको छ ।